Adventure
Դահուկավազք Աշոցքում
Shirak
Աշոցքում գործող այս փոքր ընտանեկան մարզական և հյուրատնային կենտրոնը ղեկավարում է Միքայելյան ընտանիքը։ Հայրը՝ Արթուրը, դասական դահուկավազքի մարզիչ է, մայրը՝ Ալլան, իսկ նրանց որդիները ազգային հավաքականի դահուկորդներ են։ Աշոցքը Հայաստանի ամենացուրտ բնակավայրերից մեկն է, և բարձրադիր, հարթ ու անտառազուրկ տարածքը հատկապես հարմար է դասական դահուկավազքի համար։ 2019 թվականի հունվարին այստեղ բացվել է նաև Եվրոպական միության ֆինանսավորմամբ կառուցված ավելի մեծ տաղավար։ Այստեղ կարելի է սովորել դասական դահուկավազք, փորձել ձնաքայլք՝ տրամադրվող պարագաներով, սահնակով սահել, մասնակցել կարճ մոտոսահնակային կամ սահնակային զբոսանքի։ Հնարավոր է նաև գիշերել առանձին կամ հանրակացարանային սենյակներում։
