«Գլաձոր» առողջարանային համալիր

Խնդրում ենք նկատի ունենալ, որ առողջարանը փակվել է 2018թ․-ին։

Տաք աղբյուրներով, թարմ հանքային ջրերով, բուժիչ օդով, ջրվեժներով, հետիոտնային գեղեցիկ արահետներով հայտնի և խիտ անտառներով շրջապատված Ջերմուկ քաղաքը (Վայոց Ձորի մարզ) մինչ օրս մնում է Հայաստանի լավագույն առողջարանային քաղաքներից մեկը: Ունենալով բազմաթիվ բուժիչ հանքային աղբյուրներ, ջուր և բուժիչ օդ՝ այս քաղաքը կատարելապես համապատասխանում է առողջարանային ցանկացած քաղաքի բոլոր չափանիշներին։ Այս պայմանների շնորհիվ, այն ունի բազմաթիվ առողջարաններ, որոնք առաջարկում են լավագույն բժշկական ծառայությունները և բուժումը:

«Գլաձոր»-ի համալիրն այս քաղաքի բազմաթիվ առողջարաններից մեկն է։ Այն գտնվում է Արփա գետից ոչ հեռու՝ Հայաստանի հարավ-արևելյան մասում և համարվում է քաղաքի լավագույն առողջարաններից։ Այստեղ հյուրերը կարող են հանգստանալ, անցնել բուժական պրոցեդուրաներ և վայելել Ջերմուկի գեղեցիկ բնությունը: Հյուրանոցը գտնվում է բարձր կիրճում, որտեղից հրաշալի տեսարան է բացվում դեպի քաղաք։

Առողջարանային բուժման համալիրն ընդգրկում է բուժման հանքային տաք ջրի ներքին և արտաքին կիրառումը, բուժական սննունդը, ֆիզիոթերապևտիկ և այլ պրոցեդուրաներ։ 

«Գլաձոր» առողջարանն առաջարկում է հետևյալ բուժական մեթոդները՝

• Աերոզոլային թերապիա

• Էլեկտրոֆորեզ. դեղորայքային (Իոնոֆորեզ)

• Էլեկտրաբուժություն

• Կինեզիթերապիա

• Մագնիսաթերապիա

• Ատամների պահպանողական բուժում

• Տորֆաբուժություն

• Դեղորայքային թերապիա (Ֆարմակոթերապիա)

• Ֆոնոֆորեզ • Ֆիզիոթերապիա

• Ֆիտոթերապիա

• Բուժում հանքային ջրերով (Բալնեոթերապիա)

Այստեղ բուժվում են հետևյալ հիվանդությունները՝

• Արթրոզ / օստեոարթրոզ (պոդագրա)

• Դիաբետ

• Լեղապարկի հիվանդություններ

• Ստամոքսաղիքային (գաստրոէնտերոլոգիական) հիվանդություններ / գաստրոէնտերոլոգի ծառայություններ

• Գինեկոլոգիական հիվանդություններ / գինեկոլոգի ծառայություններ

• Երիկամների հիվանդություններ / նեֆրոլոգի ծառայություններ

• Լյարդի հիվանդություն

• Նյարդային համակարգի հիվանդություններ / նյարդաբանի (նևրոպատոլոգի) ծառայություններ

• Գիրություն

• Բերանի խոռոչի հիվանդություններ / ատամնաբույժի ծառայություններ

• Ծայրամասային նյարդային համակարգի հիվանդություններ

• Պրոկտոլոգիական հիվանդություններ / պրոկտոլոգի ծառայություններ

• Ռադիկուլիտ

• Վերարտադրողական համակարգի հիվանդություններ

• Ռևմատիզմ / ռևմատոլոգի ծառայություններ

• Իշիաս

• Ատամների հիվանդություններ

• Սեռական համակարգի հիվանդություններ / ուրոլոգի ծառայություններ