Կարմրավոր եկեղեցի

Կարմրավորը, կամ Սուրբ Աստվածածին եկեղեցին, 7-րդ դարի փոքր խաչաձև կենտրոնագմբեթ եկեղեցի է Արագածոտնի մարզի Աշտարակ քաղաքում։ Եկեղեցին կառուցվել է Գրիգոր և Մանաս քահանաների կողմից:

Հայաստանի պատմության թանգարան

Հայաստանի Պատմության թանգարանը հիմնադրվել է 1919-ի սեպտեմբերի 9-ին, սակայն այցելուների համար այն բացվել է 1921 թվականի օգոստոսի 20-ին: Այն գտնվում է Հանրապետության հրապարակում։

Խոր Վիրապ

Խոր Վիրապի վանքը գտնվում է Հայաստանի Արարատյան դաշտում, Արարատի մարզում՝ Արաքս գետի ձախ ափին: Խոր Վիրապի՝ որպես վանքի և ուխտագնացության վայրի մեծ համբավը կապված է այն բանի հետ, որ Տրդատ 3-րդ թագավորը այստեղ է բանտարկել Գրիգոր Լուսավորչին:

Մատենադարան

Մեսրոպ Մաշտոցի անվան հին ձեռագրերի ինստիտուտը, որը նաև հայտնի է որպես Մատենադարան, հին ձեռագրերի պահոց է և ունի Հայաստանի ամենամեծ հավաքածուներից մեկը: Այն հիմնադրվել է 1959 թվականին և գտնվում է Երևանում:

Հայաստանի Հանրապետության հրապարակ

Հայաստանի Հանրապետության հրապարակը երկրի ճարտարապետական պարծանքն է, որը գտնվում է Երևանի սրտում։ Հրապարակը նախագծել է հանրահայտ ճարտարապետ Ալեքսանդր Թամանյանը (1978-1936).

Կեչառիսի վանք

Կեչառիսը միջնադարյան վանական համալիր է, որը գտնվում է Կոտայքի մարզի Ծաղկաձոր լեռնադահուկային հանգստավայրում: Կեչառիսի վանքը եղել է Հայաստանի կրոնական և կրթական խոշոր կենտրոն: Վանքը կառուցվել է անվանի գիտնական, փիլիսոփա, բանաստեղծ, քաղաքական և ռազմական գործիչ Գրիգոր Մագիստրոս Փահլավունու կողմից (990-1058թթ․):

Զվարթնոցի տաճար

Զվարթնոցի տաճարը տեղակայված է Արարատյան դաշտում՝ Էջմիածին քաղաքից 3 կմ հարավ: Պատմական այս տարածքը նախաքրիստոնեական շրջանում հայտնի երկրպագության վայր էր:

Էջմիածին

Սուրբ Էջմիածնի Մայր տաճարը Հայ առաքելական եկեղեցու հոգևոր և վարչական կենտրոնն է: Վանական համալիրը գտնվում է Արմավիրի մարզի Վաղարշապատ քաղաքում:

Սուրբ Սարգիս եկեղեցի

Սուրբ Սարգիս եկեղեցին կանգնած է Հրազդան գետի ձախ ափին: Այն կառուցվել է 1842 թվականին: Մի ժամանակ այնտեղ եղել է հսկայական վանական համալիր՝ շրջապատված է բարձր դարպասներով։ Այն ընդգրկում էր երեք եկեղեցիներ՝ Սուրբ Սարգիս, Սուրբ Գևորգ և Սուրբ Հակոբ:

Սևանավանք

Սևանավանքը գտնվում է Սևանա լճի թերակղզում: Համալիրի առաջին եկեղեցին կառուցվել է Սևանի կղզում 305 թվականին՝ Գրիգոր Լուսավորչի կողմից։ 

Խաչքար

Կաթողիկե Սուրբ Աստվածածին

Կաթողիկե Սուրբ Աստվածածինը միջնադարյան փոքր եկեղեցի է, որը գտնվում է Երևանի կենտրոնում: Եկեղեցու պատերին արված ամենահին արձանագրությունը թվագրվում է 1264 թվականով: Եկեղեցին մեծապես տուժել է 1679 թվականին տեղի ունեցած երկրաշարժից: 

Սաղմոսավանք

Սաղմոսավանքը գտնվում է Արագածոտնի մարզի Սաղմոսվան գյուղի արևելյան մասում: Եկեղեցին տեղակայված է Քասախ գետի աջ ափին՝ կիրճի եզրին։ Սաղմոսավանքը միջնադարի ամենահարուստ և նշանավոր հոգևոր կենտրոններից մեկն էր: 

Էրեբունի թանգարան

Էրեբունի թանգարանը Երևանի ամենակարևոր թանգարաններից մեկն է, որը հիմնադրվել է 1968 թ-ին Արին Բերդի բլրի վրա, որի տեղում մ.թ.ա. 782 թ էրեբունի ամրոցն էր: Թանգարանի բացումը համընկավ Երևանի 2750-ամյակի հետ: 

Նորավանք

Նորավանքը 13-14-րդ դարի հոյակերտ վանական համալիր է: Գտնվում է Երևանից 122 կմ հեռավորության վրա, Վայոց ձորի Եղեգնաձոր քաղաքի մոտակայքում: Կառույցը համարվում է 14-րդ դարի ճարտարապետական ​​գլուխգործոց՝ ստեղծված շնորհալի նկարիչ, քանդակագործ և ճարտարապետ Մոմիկի կողմից:

Հաղպատի վանք

Հաղպատավանքը  միջնադարյան վանական համալիր է, որը գտնվում է Լոռու մարզի Հաղպատ գյուղում: Այն կառուցվել է 10-րդ դարում և 10-13-րդ դարերի ընթացքում եղել է Հայաստանի նշանավոր հոգևոր և մշակութային կենտրոններից մեկը:

Գյումրու քաղաքային կենցաղի և ազգային ճարտարապետության թանգարան

Գյումրու ժողովրդական ճարտարապետության, քաղաքային կենցաղի և ազգային ճարտարապետության թանգարանը կամ Ձիթողցյանների անվան ազգային ճարտարապետության թանգարանը Գյումրիի ամենահիասքանչ և ամենաշատ այցելվող թանգարանն է: Ժամանակին դա հայտնի Ձիթողցյաններ ընտանիքի տունն էր, որը կառուցվել էր 4 եղբայրների կողմից 1872 թ։

Հայաստանի ազգային պատկերասրահ

Հայաստանի ազգային պատկերասրահը, որտեղ պահպանվում է հայկական արվեստի ամենամեծ հավաքածուն, գտնվում է Հանրապետության հրապարակում: Այն հիմնադրվել է 1921 թվականին և ի սկզբանե ընդգրկված էր Պատմության թանգարանի կազմում:

Սուրբ Գրիգոր Լուսավորիչ Մայր եկեղեցի

Սուրբ Գրիգոր Լուսավորիչը ներկայումս Հայ Առաքելական եկեղեցու ամենամեծ տաճարն է աշխարհում: Այն գտնվում է Երևանի կենտրոնում: Եկեղեցին կառուցվել է Ամենայն հայոց կաթողիկոս Վազգեն Ա-ի նախաձեռնությամբ։ 1989 թ.-ին Մայր Աթոռ Սուրբ Էջմիածնի Գերագույն Հոգևոր խորհրդի և ճարտարապետական հանձնաժողովի համատեղ նիստում որոշվել է կառուցել մի մեծ տաճար՝ նվիրված Հայաստանում քրիստոնեությունը պետական կրոն հռչակելու 1700-ամյակին։